O  Museo Galego da Marioneta, inaugurouse en outubro do ano 2001, Froito dun convenio de colaboración subscrito entre o Concello de Lalín e a compañía  “Viravolta títeres”, que xestionou este espazo permanente para mostrar a súa colección de marionetas e fomentar o goce, investigación, estudio e recuperación da arte dos títeres; o museo amplía cada ano o seu fondo documental con incorporacións de novas pezas, libros, vídeos e outros materiais sobre esta materia. A xénese deste recinto remóntase ao ano 1998, data na que o Museo Municipal “Ramón María Aller” de Lalín acolleu a exposición conmemorativa do décimo quinto aniversario da estrea do primeiro espectáculo de monicreques da compañía “Viravolta títeres”. Aquela exposición foi o xerme do Museo Galego da Marioneta, que en poucos anos converteuse nunha referencia ineludible para todos os interesados no mundo do monicreque; manteu unha programación estable cara ao público, organizando talleres de iniciación, cursos para profesionais dos monicreques e da educación e mostras de teatro de monicreques e outras actividades como Titerentroido, Titirideza, Ruada e Cantos e Contos do Nadal. A finais de 2010, despois de 10 anos pechou as súas portas en espera dunha mellor ubicación, a partir dese momento  a compañía Viravolta exhibe habitualmente parte dos seus fondos en exposicións temporais.
En setembro de 2014 asinouse un novo convenio co concello de Lalín asignándoselle a ubicación no Pazo de Liñares, finalmente, o día 13 de decembro abríu as portas con dúas salas de exposicións e biblioteca-centro de documentación, iniciándose a programación  de actividades.
Horario:
Todos os días: 11-14 h. 17-20 h.
24, 25 e 31 de decembro e 1 de xaneiro pechado




INAUGURACIÓN MUSEO GALEGO DA MARIONETA NO PAZO DE LIÑARES from Concello de Lalín on Vimeo.


Museo Galego da Marioneta

Apdo. 185 Lalín

Tel. 986784694
http://museodamarioneta.wordpress.com

museodamarioneta@lalin.gal
prodesin.com